Ang Dagang Mahilig sa Keso, si BUBWIT (MAIKLING KWENTO)

"Ang Dagang Mahilig sa Keso, si BUBWIT"

Si Bubwit ay isang kyut na daga. Mahilig siya kumain ng keso. Ito ang paborito niyang pagkain.

Malaki ang sweldo ng tatay ni Bubwit. Sa isang pabrika ng keso ito nagtatrabaho.

Ang keso ay mura ipinagbibili sa mga manggagawa ng pabrika. Ito ang dahilan kaya laging may pasalubong na keso ang ama kay Bubwit.

Marami ang naiinggit kay Bubwit. Lagi siyang may bagong keso sa pagpasok sa eskwela. "Heto tikman ninyo", alok nya sa mga kaklase.

Mahal na mahal si Bubwit ng ama at ina. Lahat ng gusto nya ay ibinibigay ng mga ito  "Isukat mo. Binurdahan ko ito para sa iyo".

"Inay, ang ganda po ng sumbrerong ito. Salamat po," sabi ni Bubwit. "Isuot mo ito sa kaarawan mo, ha?" sabi ng nanay niya.

Masarap ang buhay ni Bubwit. Hindi problema ng pamilya niya ang pera. Nakakain niya ang lahat ng kesong gusto niya.

Natutuwa naman ang mga magulang ni Bubwit sa kanya. Nag-aaral kasi siyang mabuti. Matataas ang kanyang marka.

Ang akala n Bubwit ay walang katapusan ang ligaya. Hanggang isang araw ay umuwing malungkot ang kanyang ama. Natanggal ito sa trabaho.

Kailangan nilang magtipid. Iyon ang sabi ng ina ni Bubwit. Paunti-unti na rin sila kung kumain ng keso.

Nahirapang humanap ng bagong trabaho ang tatay ni Bubwit. Minsan inaabutan pa ito ng malakas na ulan at nababad sa basa.

Nang gabing iyon ay nagising si Bubwit sa tawag ng ina. "Gisingin mo ang kapitbahay natin. Dadalhin natin sa doktor ang tatay mo."

Nagkaroon ng pulmonya ang tatay ni Bubwit. Ang natitira nilang pera ay ipinambayad sa doktor at pambili ng mga gamot nito.

Ubos na ang keso nila. Wala na silang pagkain. Wala na ring pambaon sa eskuwela si Bubwit. "Okay lang po kahit wala akong baon, Inay.”

Maraming kaibigan ang naawa kay Bubwit. "Talagang ganyan ang buhay. Minsan ay naranasan kong kumain ng masasarap na keso," aniya sa kaibigan.

 

Madiskarte ang nanay ni Bubwit. Tumatanggap ito ng buburdahang damit upang may pagkakitaan habang inaalagaan ang asawa.

Pagkatapos naman ng klase ay umuuwi agad si Bubwit. Siya ang nagluluto ng kanilang hapunan. Siya rin ang nagpapainom ng gamot sa tatay niya.

Sinikap naman ng tatay niya na gumaling agad. "Kaya ko na ang katawan ko anak. Maraming salamat sa pag aalaga mo."

 

"Pasensya na at hindi ka nakakakain ng keso."  "Mas mahalaga po sa akin ang gumaling kayo. Pwede naman po akong mabuhay ng walang keso."

Nang gumaling ang tatay ni Bubwit ay muling naghanap ng trabaho. Suwerte namang natanggap ito. "Magsisimula ka na sa Lunes."

Maayos na muli ang buhay nina bubwit. Nalampasan nila ang mabigat na pagsubok." Inuwian kita ng keso. " " Salamat po itay. "

Pinatunayan nila na anumang problema ay makakayang lampasan ng isang pamilya kung sama-sama at magtutulungan ang mag-anak.

 

 

 

Mga Miyembro:

Aba, John Michael

Alap-ap, Margie

Baradero, Rhoda

Brillo, Trisha

Camingay, Jeazel

Cuenca, Jul Rose

Divino, Adrian

Elloreg, Joanna

Esponilla, Weinzyl May

Flores, San Mae

Friolo, Danilo

Gantalao, Riza Jane

Gonzales Andrew Kyle