EPEKTO NG PANINIGARILYO SA MGA KABATAAN SA LUNGSOD NG SIBULAN, NEGROS ORIENTAL (PANANALIKSIK)

 

EPEKTO NG PANINIGARILYO SA MGA KABATAAN

SA LUNGSOD NG SIBULAN, NEGROS ORIENTAL

_______________________________________________

 

ISANG PANIMULANG PAG-AARAL

na Iniharap kay

Bb. Arlene L. Decipolo

Guro sa Filipino

Departamento ng Senior High

Sibulan Science High School

Lungsod ng Sibulan

___________________________________________

 

Bilang Pagtupad sa mga Pangangailangan ng Asignaturang

Pagbasa at Pagsusuri ng Iba’t Ibang Teksto

Tungo sa Pananaliksik

____________________________________________

nina

CAMILLE BIANCA NEPHERTERRI Y. ALVARADO

ADRIAN T. DIVINO

Abril 2017

KABANATA I

SULIRANIN AT KALIGIRAN NITO

Introduksyon

Sa panahon ngayon, napakadali nang maimpluwensyahan ang mga tao. Napakadaling sumabay sa uso ang mga makabagong henerasyon ng mamamayang Pilipino. Mabilis nang maimpluwensyahan ang mga utak ng mga kabataan natin ngayon. Hinay-hinay nang napapalitan ng western culture ang ating mga tradisyonal na kultura dahil na rin sa modernisasyon. Isa na rito ang paggamit ng sigarilyo. Ayon sa pananaliksik ni Jethro Aranas, isang BSDC 3A na estudyante, na pinamagatang "The Impacts and Influences of Western Thoughts to Filipino Thoughts, Psychology, and Philosopy" (2017), ang kanlurang kultura ay paulit-ulit at patuloy na impluwensya sa buong mundo sa mga huling ilang mga siglo. Ang ilang mga mahusay mag-isip at mga pilosopo ay pinagpalagay na ang Westernization ay katumbas ng modernisasyon.

Ayon sa Global Adult Tobacco Survey (GATS) Philippines noong 2009, 28% ng mga Pilipino edad labing lima pataas ay naninigarilyo ng tabako. Halos kalahati ng mga lalaki (48%) at 9% ng mga babae ay naninigarilyo ng tabako. Tatlumpu’t walong porsyento ng mga lalaki ay araw-araw na naninigarilyo (11 sigarilyo kada araw). Sa kabataan, (edad 13-15), 17% ang naninigarilyo. Maaaring masasabi natin na napakaraming tao na ang gumagamit ng sigarilyo.

Sa Pilipinas, ang mga kabataan ay nagsisimulang magsigarilyo sa edad na pitong (7) taon. Nagiging regular na ang paninigarilyo sa edad na 13 hanggang 18 taong gulang. Ang paninigarilyo ang pinakaunang sanhi ng kamatayan sa buong mundo. Ayon sa Department of Health, isang tao kada 13 segundo, o isang milyong katao taun- taon, ang namamatay dahil sa paninigarilyo. Ang paninigarilyo ay sanhi rin ng mga sakit sa puso, baga,kanser, diabetes, osteoporosis at marami pang iba. Ito din ay madalas na sanhi ng pag- atake ng hika. Ang mga naninigarilyo ay humihina ang katawan, nahihirapang huminga, laging bumabahin at umuubo, sumasakit ang ulo at nagbabago ang pang- amoy at panlasa. Kung ang taong naninigarilyo ay nakakakuha ng mainstream effects, ang taong nakakalanghap naman ng usok ng sigarilyo ang nakakakuha ng sidestream effects. Ito ay tinatawag na Passive Smoking. Kahit hindi ka naninigarilyo ay parang naninigarilyo ka na rin dahil sa mga kemikal nanakukuha mo sa usok ng sigarilyo ng taong katabi o malapit sananinigarilyo. Mas marami pa ang konsentrasyon ng mga masamangkemikal ang nakukuha ng mga passive smokers (mga taong hindi naman naninigarilyo pero nakatira kasama ang taong naninigarilyo) kumpara sa mga taong talagang naninigarilyo. Ang mga ito ay makakaramdam ng pagsakit ng ulo, at pagtutubig ng mata. Ang mga passive smokers ay may mas mataas ng 35% posibilidad na magkaroon ng kanser. Ang mga bata o anak naman ng mga naninigarilyo ay may mas malaking posibilidad na magkaroon ng bronchitis, pneumonia at mga sakit sa pusolalo na sa unang taon.

 

 

 

 

 

ANG SULIRANIN

Ang pangunahing layunin ng panimulang pag-aaral na ito ay upang pag- aralan at malaman ang mga epekto ng paninigarilyo sa mga kabataan sa kasalukuyang panahon.

Paglalahad ng Suliranin

Naglalayon din ang pananaliksik na ito na sagutin ang mga  sumusunod na tiyak na mga katanungan:

1. Ano ang demograpikong profayl ng mga maninigarilyo batay sa mga sumusunod:

1.1 edad

1.2 kasarian

1.4 edukasyong natamo

1.5 okupasyon

2. Ano-ano ang mga dahilan ng paninigarilyo ng mga maninigarilyo?          

3. Ano ang lebel ng paninigarilyo ng mga maninigarilyo ayon sa;

            3.1 edad na nagsimulang gumamit ng sigarilyo

            3.2 bilang ng sigarilyo o pakete na naubos sa isang araw

            3.3 dalas ng paninigarilyo

            3.4 stick ng sigarilyo na nauubos

4.  Ano’ng aspeto ng buhay sa mga kabataan na maninigarilyo ang naapektuhan ng paninigarilyo?

5. Ano ang iba’t ibang pamamaraan ng mga maninigarilyo na kontrolin ang paninigarilyo?

KABANATA V

LAGOM, KONKLUSYON AT REKOMENDASYON

LAGOM

Ang pag-aaral na ito ay naglalayong malaman ang epekto ng paninigarilyo sa mga kabataan sa lungsod ng Sibulan, Negros Oriental sa kasalukuyang panahon.

1. Ano ang demograpikong profayl ng mga maninigarilyo batay sa mga sumusunod:

1.1 edad

1.2 kasarian

1.4 edukasyong natamo

1.5 okupasyon

            2. Ano-ano ang mga dahilan ng paninigarilyo ng mga maninigarilyo?          

3. Ano ang lebel ng paninigarilyo ng mga maninigarilyo ayon sa;

                        3.1 edad na nagsimulang gumamit ng sigarilyo

                        3.2 bilang ng sigarilyo o pakete na naubos sa isang araw

                        3.3 dalas ng paninigarilyo

                        3.4 stick ng sigarilyo na nauubos

4.  Ano’ng aspeto ng buhay sa mga kabataan na maninigarilyo ang naapektuhan ng paninigarilyo?

5. Ano ang iba’t ibang pamamaraan ng mga maninigarilyo na kontrolin ang paninigarilyo?

KONKLUSYON

            Ang mga mananaliksik ay humantong sa mga sumusunod na konklusyon batay sa nakalap na mga datos at impormasyon galing sa mga respondente.

1.      Karamihan sa mga kabataang naninigarilyo ay ang mga lalake. At ang mga kabataang ito ay nasa edad 14 hanggang 22 taon na kung saan ay may mas malaking bahagdan na nasa 16 hannggang 18 taon. Sa kabuuan na 30 mga kabataang naninigarilyo, 23.33%  ang sangkot sa ganitong gawain.

2.       Huminto na sa pag-aaral ang karamihan sa mga respondente.

3.       Sa mga respondenteng nakuhanan ng datos, 13 ang kasulukuyang nagtatrabaho na, ang mga ito nasa pagkokonstraksyon at pagpaparking. Karamihan sa mga ito ay kumikita ng 200-500 Php sa isang buwan.

4.      Kalimitan sa mga rason kung bakit naninigarilyo ang isang tao ay dahil impluwensya ng mga naninigarilyong kaibigan.

5.      Sa edad labing dalawa hanggang labing apat ay nagsimula nang gumamit ng sigarilyo ang mga kabataan. 

6.      Tatlo hanggang limang pakete ng sigarilyo ang karamihan na nauubos sa araw-araw na paggamit nito at aabot pa ito sa lima pataas na stick.

7.      Nang dahil sa paninigarilyo, ang aspeto ng buhay na naapektuhan nito sa respondente ay kaunti na lamang ang perang nilalaan para sariling kaayusan.

8.      Karamihan sa mga nanigarilyo ay walang napapansing karamdaman sa kanilang pangangatawan. Sa kabila nito, meron paring mga naninigarilyo na pagsasakit ng lalamonan ang nararamdaman.

9.      Kalimitan sa mga aksyon na ginawa ng mga maninigarilyo upang subukan ang paghinto o pagkontrol sa paninigarilyo ang umiwas sa mga naninigarilyo pero mas pabor dito ang walang aksyon na ginawa o hindi sinubukang ihinto paninigarilyo.

 

REKOMENDASYON

            Batay sa isinagawang pag-aaral, iminumungkahi ng mga mananaliksik ang mga sumusunod:

1. Dapat ipatuloy at paigtingin ang mga programa ng Kagawaran ng Kalusugan na nakabubuti sa kabataan tulad ng palaro sa mga barangay, nang sa ganon ay matigil ang kanilang bisyo sa paninigarilyo.

2. Ang mga kabataan ay dapat sumali sa mga gawain sa kanilang barangay na nagtataguyod ng mga aktibidad sa sports upang ang atensyon ng kabataan ay malilipat sa sports kaysa gumamit ng sigarilyo.

3. Dapat may isang orientation na gagawin sa mga kabataan at kanilang mga magulang tungkol sa mga posibleng epekto ng paninigarilyo sa kalusugan ng isang tao.

4. Sa mga susunod na mga mananaliksik, payabungin ng husto ang pananaliksik na ito upang makatuklas ng mga karagdagang impormasyon na maaaring magamit ng mga tao lalong-lalo na sa sangkot ng pananaliksik na ito.